Thursday 4 July 2013

తెల్లబోయిన తెల్లగులాబి...

సూరీడు ముద్దబంతిలా ఉదయించాడు

సంద్రంలో తన మొహాన్ని తనే చూసుకుంటూ!

తెలవారిందని ఎవరు చెప్పారో ఆ తెల్లగులాబీకి


ఒళ్ళు విరిచి విచ్చుకుంది


తన ముల్లు తనకు గుచ్చుకోకుండా జాగ్రత్తపడుతు!


వచ్చి పోయేవారిని పలకరించాలని 


నవ్వుల రంగేసుకుని వయ్యారంగా ఊగుతూ


వాలుజడ సుందరి ఓర చూపులో పడింది!


కట్ చేస్తే...


నల్లని కురుల మధ్య తెల్లబోతూ కనిపించింది.


ముల్లు నుంచి తప్పించుకున్నంత సులువు కాదు


ఆడవారి కళ్ళ నుంచి తప్పించుకోవడం – అని 


మదనపడుతూ కూర్చుంది...మగువ సిగలో!

No comments:

Post a Comment